СДСМ создаде хаос во земјоделието, земјоделците се понижени и се наоѓаат на работ на егзинстенција

Соопштение до јавноста – реакција на изјавата на Татјана Прентовиќ

СДСМ создаде хаос во земјоделието во Република Македонија.  Нема ништо од ветувањата на власта, а земјоделците се понижени и се наоѓаат на работ на егзинстенција.

СДСМ покажа целосна негрижа за македонското земјоделие и македонскиот земјоделец. Откако е СДСМ на власт земјоделието тоне, како и се останато во државата.

СДСМ ветуваше повисоки субвенции, отворање на нови пазари, загарантиран откуп како и повисоки цени за земјоделските производи, но ништо од тоа не оствари.  Субвенциите се намалени, откуп речиси и да немаше, откупните цени беа најниски во историјата на државата, а од новите пазари ни трага на глас.

Зоран Заев пред изборите ветуваше дека откупувачите ќе се тепаат кој повеќе да откупи и тоа со повисоки цени, но сведоци бевме како земјоделските производи скапуваа на нивите или беа истурани по улиците и реките затоа што немаше кој да ги откупи.

Не постои земјоделец кој немаше проблеми со откупот. Цените беа понижувачки и ни малку не им ги вратија на земјоделците вложените пари и труд, а камо ли нешто да остане за да се посее следната година.

Производителите на јаболка ги сечеа дрвјата затоа што откупна цена на јаболкото беше еден денар за килограм јаболко, а на улица завршија и сливите, праските, оризот,  лубеницата, пченицата како и раноградинарските производи.

Додека земјоделците мака мачат како да преживеат како резултат на неисполнетите ветувања и неспособноста на власта, министерот за земјоделие Николовски се шеташе во Дубаи и се фалеше како пазарува скапи и брендирани парчиња облека и патики.

СДСМ покажа дека воопшто не се грижи проблемите на земјоделците и земјоделието во Македонија.  Земјоделците се жртва на манипулациите и лагите на СДСМ, затоа СДСМ мора веднаш да си замине.

 

Со почит,
Центар за комуникации на ВМРО-ДПМНЕ

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...