Мицкоски: СДСМ гасификацијата од завршна фаза ја врати во почетна, загубија 2 години и направија непоправлива штета поради нивната неспособност

Соопштение до јавноста

Претседателот на ВМРО-ДПМНЕ, Христијан Мицкоски вечерва беше во посета на ОК на ВМРО-ДПМНЕ Кисела Вода,  каде оствари средба со граѓани, членови и симпатизери на партијата.

Мицкоски на средбата истакна дека власта на СДСМ нема успеси во ниту едно поле и владее со измами и злоупотреби. Тој им заблагодари на граѓаните на Општина Кисела Вода кои во огромно мнозинство излегоа  ја поддржаа ВМРО-ДПМНЕ и ја казнија власта за целата неспособност и криминал кој го спроведува.

Владата нема успеси буквално во ниту едно поле. Го слушам премиерот и вицепремиерот се фалат со гасификацијата која во реалноста целосно ја заглавија. Готов проект кој требаше да продолжат да го реализираат, а го успорија, го заглавија, гасификацијата на домаќинствата уште долго ќе се чека, потенцираше  Мицкоски.

Тој нагласи дека власта лаже за гасификацијата исто како што излажаа во 2002 кога ветија по еден вработен од секое семејство. Кога ВМРО-ДПМНЕ ја напушти владата им остави готов проект за изградба на секундарната и терцијарната гасификација и имаше тендер за изградба, кој СДСМ го поништи со образложение дека нечинел, за дури по две години велат ќе се формира комисија за распишување на тендер за изградба на  секундарна и терцијарна гасификација или со други зборови не вратија во почетна фаза.

Истото тоа што беше во завршна фаза пред две години сега е во почетна фаза. Не само што сме изгубиле две години, туку прашање е дали сега во овие околности ние навистина ние ќе најдеме некакво инвеститор кој што е подготвен да инвестира во еден вака сложен проект кој што ќе го менаџира ваква неспособна  посочи Мицкоски.

Тој потенцираше дека и да се случи чудо да и да почне оваа власт да работи како што досега не работеле, дури ни за 4 години нема да може да постои домаќинство кое ќе има можност да го користи гасот како енергенс.

Од овој момент под услов денеска се смени се во капацитет на владата и да одлучат само на тоа да се посветат во следните 4 години нема да постои домаќинство кое што ќе има можност да го користи гасот, односно гасот да го користи како енергенс. . Загубено време и непоправлива штета поради нивната неспособност, заврши Мицкоски.

 

  Со почит,
Центар за комуникации на ВМРО-ДПМНЕ

Поврзани вести

Арсовски: Цели 5 месеци Русковска, Јовевски, Заев си играат со интелигенцијата на граѓаните и се обидуваат да го прикријат најголемиот криминален скандал во Македонија

Интегрален текст од прес конференција за медиуми на Димче Арсовски, Портпарол на ВМРО-ДПМНЕ Почитувани,...

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...