Апелирам до власта да имаме фер, демократски и слободен изборен ден

Одговор на новинарски прашања на Игор Јанушев, Генерален секретар на ВМРО-ДПМНЕ

Прашање: Господине Јанушев го остваривте вашето гласачко право и гласате, како се чувствувате како и секој граѓанин кога го прави тој чин?

Одговор: Можноста да се гласа на фер и демократски и слободни избори  е сатисфакција за секој граѓанин, штотуку го остварив своето гласачко право. Апелирам до надлежните, апелирам до власта да имаме фер, демократски и слободен изборен ден, во кој што подобриот кандидат, а согласно моето мислење тоа е професорката Сиљановска дека ќе излезе како победник на овие избори.

Прашање: Како ја оценувате текот на кампањата во овој втор изборен период со оглед на фактот што имаше голема раздвиженост речиси насекаде низ државата, а особено последните три дена и како ја оценувате ситуацијата состојбата последниот ден на молкот?

Одговор: И во првиот дел од кампањата имаше одредени девијантни појави на власта меѓутоа тие ескалираа во вториот изборен круг, особено последните неколку дена. Видовме како власта се разработи последниве неколку денови, имавме асфалтирање на улици, канализации, и останато што со години ги тиштат граѓаните. Од друга страна имаше многу закани и уцени, многу разместувања низ државната и јавната администрација, граѓаните беа преместувани на други работни позиции со цел да се укаже на позицијата на власта и како таа може да се злоупотреби. Исто така има на многу места информации се разбира се уште неофицијални за поткуп на гласачи, всушност видовме и неколку изјави од самиот Заев, како повикува на поткуп односно како се заканува. Истото и се случување и во изборниот молк каде што голем број на летоци беа дистрибуирани од активисти на СДСМ, сето тоа е за осуда. Но исто така да ги потсетиме дека за многу брзо работите во Република Македонија се менуваат и дека секој кој што го прекршил изборниот законик меѓутоа и било кој друг закон ќе одговара, и ќе се најде пред лицето на правдата.

Апелираме, инсистираме, бараме како од страна на власта така и од страна на оние набљудувачи кои се дојдени од странство да имаме денеска мирен, слободен изборен ден, каде што граѓаните слободно ќе ја искажат својата волја, притоа повеќе од јасно е како граѓаните ја ценат ситуацијата и на кого ќе ја дадат довербата.

Поврзани вести

Најгоре