Мицкоски: Граѓаните нема да заборават сето она што изминатитите две години им го приреди СДСМ

Соопштение до јавноста

Претседателот на ВМРО-ДПМНЕ, Христијан Мицкоски денеска се сретна со граѓаните во Кривогаштани.

-Пристискаат, уценуваат, злоупотребуваат сега еве ги користат и медиумите  за да создадат лажен впечаток, но една работа ја погрешија. Оваа работа се победува заедно со граѓаните, затоа што граѓаните нема да заборават сето она што изминатитите две години, вие господо од СДСМ им го приредивте. Сите оние лаги, сите оние ветувања, сите оние нереализирани очекувања, очекувате дека народот овојпат ќе ви поверува, истакна претседателот Мицкоски од Кривогаштани.

Тој рече дека СДСМ игра на картата на кратко помнење на народот, дека тие го забораваат и потценуваат народот и сето тоа ќе им се удри по глава на 21 Април.

-На 21 Април ќе ја видите онаа вистинската анкета  којашто денеска ниту сте способни, ниту сакате да ја видите затоашто сте заслепени  за пуста власт и за пусти пари. Тоа е она коешто вас денеска ве мотивира да го правите тоашто го правите, потенцираше тој.

Мицкоски од Кривогаштани порача дека најголемата коалиција не е онаа коалиција којашто беше направена во еден скап и луксузен скопски  хотел кадешто на деспотски начин  Заев одлучи дека Пендаровски ќе биде, туку вистинската коалиција е коалицијата со народот.

 

  Со почит,
Центар за комуникации на ВМРО-ДПМНЕ

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...