Политичките затвореници не се одлика на една демократска држава, аспирант за членство во ЕУ

Соопштение до јавноста

Македонското судство го допре дното пресликувајќи ги двојните аршини, непринципиелноста и неморалноста на Зоран Заев и Стево Пендаровски.

Политичкиот прогон стана пракса за справување со политичките противници на заевизмот. Оние кои први го крена гласот против неговите погубни политики беа првите жртви на заевизмот.

Срамен е фактот што повратниците од војните на Блискиот Исток, терористи кои се бореле на страната на ИСИЛ, кои егзекутирале луѓе на идеолошка основа, добија затворски казни од 6 години, три пати помали казни од оние кои им беа изречени на полициските службеници во политички монтираниот случај 27-ми април. Припадниците на ИСИЛ добија помали казни од патриотите и припадниците на македонските безбедносни сили кои животот го посветиле во одбрана на Република Македонија кои добија 211 години затвор и беа прогласени за терористи.

Политичките затвореници не се одлика на една демократска држава, аспирант за членство во ЕУ. Македонија е единствена држава во демократска Европа која има политички затвореници во своите затвори.

Како и пресудите така и притворите во политичката монтировка наречена 27-ми април се уште едно грубо прекршување на основните човекови права и правните начела. Притворите за осудените се неосновани и неважечки со оглед на фактот што во моментот се уште се на сила паричните гаранции кои ги дадоа обвинетите.

Пендаровски е само опачина на Заев, другото лице на заевизмот, симбол за неправда и политички терор. Човек  како и Заев со неконзистентни ставови, политички макијавелист чија политичка кариера е изградена на ноторни лаги. Победата на професорката Гордана Силјановска Давкова ќе го означи почетокот на враќањето на правда во Македонија, почетокот на крајот на заевизмот.

Поврзани вести

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...
Најгоре