Димовски: Собранието нема ниту изборен ниту референдумски легитимитет да влезе во процедура за промена на Уставот

Пратеникот од ВМРО-ДПМНЕ Илија Димовски на денешната седница на која на дневен ред е Предлгоот на Владат за уставните измено истакна дека Собранието е составено врз база на изборна волја на граѓаните на Република Македонија.

-При составување на ова Собрание, ниту една политичка партија и ниту еден пратеник кој е дел од ова Собрание не даде ветување за промена на Уставот во насока на промена на уставното име на републиката, напротив Коалицијата предводена од ВМРО-ДПМНЕ, прецизно и јасно во својата изборна програма напиша дека нема да дозволи промена на Устав во насока на промена на уставото име, додека коалицијата предводена од СДСМ  низ говорите на сегашниот премиер Зоран Заев вети дека нема да има промена на Устав. Што значи дека нема изборен легитимитет Собранието да влезе во оваа процедура, нагласи Димовски.

Тој додаде дека понатаму се распишал референдум, еднострано, од владејачкото мнозинство, но и во овој случај Уставот е прецизен.

-Членот 73 од Уставот ставот 2 вели дека „одлуката на референдумот е усвоена, ако за неа гласало мнозинство од избирачите кои гласале доколку гласалеповеќе од половина од вкупниот број избирачи“. За промена на Устав не постои консултативен референдум заради тоа што промена на правен акт може да се менува само во процедура предвидена во еднакво висок акт, а не во понизок акт. Ставот 4 од чл.73 вели дека одлуката донесена на референдум задолжителна. Доколку на некого не му е јасно бидејќи ги слушаме тезите дека „не можеме да го слушнеме гласот на оние што се против“, имаше старо предание за Отоманската империја. Султанот кога ги праќал своите луѓе да види како е по царштината, му рекле дека многу критикувале, сиромаштија, даноците големи, султанот рекол „може, кревајте ги даноците“. Вториот пат се враќаат царските луѓе и велат сите се тивки и тогаш султанот рекол „намалете ги даноците, не чини работата“, нагласи Димовски.

Пратеникот предложи, од формално правен аспект, да се симне точката од дневен ред бидејќи, како што рече, собранието дека ниту изборен ниту референдумски легитимитет да влезе во процедура за промена на Устав за да се промени на уставото име.

По говорот на Димовски, собранискиот спикер Талат Џафери го стави предлогот на гласање пред пратениците кои истиот го отфрлија „ПРОТИВ“ гласаа 67 пратеници, 39 гласаа „ЗА“, а воздржани немаше.

Поврзани вести

Кирков: Негрижата и масакрот на било кое животно користејќи дури и единици на Армијата на Република Македонија е само одлика на владеењето на Влада кон заштитата на животинскиот свет

Интегрален текст од прес конференција за медиуми на Стефан Кирков Почитувани, Пред само 3...

Претседателот на ВМРО-ДПМНЕ ,Христијан Мицкоски оствари средба со Комесарот за европска соседска политика и преговори за проширување на Европската Унија, г. Јоханес Хан

Соопштение до јавноста Почитувани, Претседателот на ВМРО-ДПМНЕ проф-др Христијан Мицкоски денес оствари средба со...