ВМРО-ДПМНЕ од денес ја почнува акцијата „Лето за Македонија“. 1.500 тимови на партијата ќе го посетат секој град, секое село, секој еден дом и ќе допрат до секој еден граѓанин

Интегрален текст од прес конференција за медиуми на Игор Јанушев, Генерален секретар на ВМРО-ДПМНЕ

Почитувани,

Државата е заробена од страна на криминалниот картел наречен СДСМ. Картелот ја уништува Република Македонија на секое поле. Економијата тоне, земјоделието е на колена, здравството колабирано, безбедносниот систем разнишан, правосудството е продолжена рака на власта, државата е меѓународно понижена, а идентитетот доведен во прашање.

За нешто повеќе од една година Заев успеа трајно да ги загрози македонските државни и национални интереси. Тој потпиша договор за промена на името со истиот тој договор истиот тој Заев прифати и промена на Уставот, идентитетот и јазикот на државата.

Граѓаните се чувствуваат продадени и несигурни.

Секојдневно гледаме како полицијата наместо да ги штити граѓаните ги штити криминалците. Буџетот наместо за проекти од корист за граѓаните се користи како средство за богатење на неколку фирми блиски до власта.

Граѓаните бараат помош и бараат некој што ќе ги слушне нивните маки. Граѓаните очекуваат разбирање за нивните ставови и решеност да се спроведе нивната волја.

ВМРО-ДПМНЕ нема да дозволи овој организиран грабеж врз Република Македонија да продолжи. ВМРО-ДПМНЕ не може да го премолчи понижувањето на народот.

ВМРО-ДПМНЕ е создадена од народот и за народот. Нема да дозволиме СДСМ да им ја одзема надежта на граѓаните. Ние мораме и ние можеме да го спречиме осиромашувањето, бесперспективноста и уништувањето на државата.

ВМРО-ДПМНЕ од денес ја почнува акцијата „Лето за Македонија“. 1.500 тимови на партијата ќе го посетат секој град, секое село, секој еден дом и ќе допрат до секој еден граѓанин. Ќе се среќаваме и ќе разговараме, заеднички ќе ги согледуваме предизвиците со кои е соочена Република Македонија и ќе изнајдеме заеднички решенија за проблемите.

Само вие, граѓаните на Република Македонија може да изберете како сакате да живеете. Премногу време е изгубено. Државата не смее да продолжи да стагнира. Агонијата мора да запре. Должни сме на Република Македонија, должни сме на минатите генерации, но имаме обврска кон сегашните и идни генерации да создадеме просперитетна иднина.

Сите ние заеднички можеме да му ставиме крај на ова зло наречено СДСМ. ВМРО-ДПМНЕ е сигурна и просперитетна алтернатива. Ние креираме програма со визија за напредна држава, економски развиена, технолошки модерна и правно стабилна. Тим од експерти работи на новата програма во која ќе се најдат проекти за сите. Ве повикуваме сите вас, граѓаните на Република Македонија да ги дадете вашите идеи и предлози, да ни го кажете вашиот сон за Република Македонија, да го преточиме во програмата. Таа ќе биде нашата обврска бидејќи е време да му ставиме крај на безредието и безнадежноста.

СДСМ мора да си оди. Тагата, чемерот и јадот не смеат да бидат наше секојдневие. Република Македонија ќе победи.

Тагови:

Поврзани вести

Николовска: Третата фирма која добила лиценца за марихуана е во сопственост на Митра Лазарова, мајка на близок до власта и сопственик на НИКОБ обезбедување Кирил Лазаров

Интегрален текст од прес конференција на Ружица Николовска Почитувани, Случајот “Канабис-милионите на Заев” зема...

Стаменковска-Стојковски до Манчевски: Вашиот страв и паника е очигледен и тоа нема да ме спречи да се обидам да ги заштитам институциите

Дамјан Манчевски денеска обвини дека министерката Невенка Стаменковска-Стојковски покажува елементарно непознавање на нејзините надлежности....

Пратеничката група на ВМРО-ДПМНЕ поднесе иницијатива да се достави Законот за ратификација на Северно-атланскиот договор и на Пристапниот протокол за членството на Грција и Турција во Северно-атланската Алијанса (НАТО)

Интегрален текст од изјава за медиуми – Никола Мицевски, координатор на  ВМРО-ДПМНЕ во Собранието...

Мицкоски: Аферата Кеш го уклучува алармот за борба против криминалот, ќе поднесеме Закон за потекло на имот на политичари, бараме итна истрага за делувањето на обвинители и судии

Интегрален текст од прес конференција за медиуми на Христијан Мицкоски, Претседател на ВМРО-ДПМНЕ Почитувани,...